القصة بعنوان : # مبغاش_يتفهملي ...الجزء 11

# 11


-انا:نتا !!! اش اش تدير هنا !؟ اش جابك؟
-عماد:  شكون هوا ؟!
-انا: شكون ؟!! علاش؟؟ (انا تلفت مابقيت لا فاهمة لا  عارفة اش طاري فديك اللحضة ..مبقيناش هدرنا خليت عنينا تتكلم و تعبر على الشوق و الاشتياق و الحسرو والعتاب فيقنا صوت احمد 
-احمد: هادي طاحت ليها واحد البياسة خاصها المعلم ... (هز راسو مافهم والو بقا غي كيشوف ) 
-انا: صافي خليها تالغدا و جيب ليها شي معلم ... احمد هدا عماد صديق عزيز ... عماد هدا خطيبي .(احمد مسكين مافهم والو مي قرر مايحشمنيش و يلعب معايا دور الخطيب مد لعماد يديه باش يسلم مي عماد مشا بلا تا كلما 
كيفاش زعما  ياك هو عايش الحياة .. مالو دابا عماد ركب فطموبيلتو و انا سديت خرشاشتي و ركبت مع احمد فالمطور ديالو و عنقتو زعما باش نبين الانسجام ديالنا هههه نوصفليكم احمد ولا نخليكم بلا مادوخو ههه  لا والله تا نوصفوليكم مندوخش غي بوحدي مهم طويل و عندو واحد بيبي فايس كيووت لواحد الدرجة غي ديريليه نوتيلا و كوليه  ههههه مهم بلا ماطمعو احمد مزوج مي مراتو كتقرا برا هو محامي و كيوجد وراقيه باش يلحق حبيبتو مي خاصو واحد المدة ديال الخدمة الاجبارية وصلنا العمارة كل واحد مشا لدارو و احمد محاولش يسولني نيت هناني اصلا ماعندي تاتفسير ههههه دخلت صليت دعيت ربي يفرجها عليا و مشيت نعسس زعما ولكن حلف لا خاني بقيت فهمومي و الاف التساؤلات الله يا ربي تا gلت رتاحيت واش العداب مكتوبلي فجبهتي بففف حليت عيني على الدقان دالباب 
-احمد:ختي حسناء را طموبيل لتخت و يمكن ليك تهزيها و بصاراحا كاينا واحد المفجائة خرا عندعماد ...

 khawla_Ĕl#

     مبغاش_يتفهملي  10#  2PS1

3

المزيد

القصة بعنوان : # مبغاش_يتفهملي ...الجزء 10

#10
عند حسنا دابا دازت شهرين و انا مستقرة فخدمتي و فالسكنة الجديدة مادرت لا اصدقاء لا والو  المدينة جديدة عليا و مابغيتش الصداع و المشاكيل عيت من قوة الروتين داكشي اللي كانديرو الصباح كانديرو بالعشية ...ماكاين تا جديد كنساين غير الكونجي نشوف ميمتي حبيبتي و نمشي لدارنا واخا كانعيط لبابا كل نهار توحشتهم بزاف مهم نمشي للدار دابا عييت .... اه نسيت ماgلتش ليكم شريت واحد لخريشيشة صغيورة كانتسارا فيها فهاد المدينة الضغيورة ... الله يا ربي مالها سكتات لا لا ماشي خرش اشة غي خدمي شهاد الزهر يا ربي ... دابا اش غندير و فهاد الوقت ماكنعرف حد اه نعيط زعما لأحمد هو اللي نقدر نعول عليه (أحمد جاري فالعيمارا فين ساكنا هو اللي كنعرف تقريبا فهاد المدينة هو اللي يقدر يصوفيني فهاد الضروف ) خشيت وجهي فالمصارن الطموبيل بيدما جا احمد تال شوية شي وجه تخشا حدايا 
-انا: واااااااااااااااااااااااااا   غوت ربي لي خلقني هزيت راسي وانا نسمع غوتا كتااار من ديالي ... ههه اه هادا غي احمد مي علاش غوت ... 
-احمد: باسم الله الرحمان الرحيم شكون نتي و فين هيا حسناء 
راه هادي انا مالك ماعرفتينش اويليي؟؟؟ 
-احمد: ههههه وللي شكون دارليك هاد الحالة ههههه حيدي حيدي نشوف مال هادي 

انا عقت براصي منين شفت الكارتة اللي فوجهي بغيت نمسح داك لا gريس اللي فوجهي كنقلب على باش .. تا مدلي كلينيكس .... لا بلاتي هادا ماشي احمد ولكن شكون جاب هادا هنا و شنو جا يدير فهاد الوقت ... من بعد هاد المدة كلها من بعد ما ولفتو بعيد واخا عمري نسيتو ولكن عالاقل مبقيتش كنتعدب و انا كنشوفو كيبغي غيري فلحضة رجعلي داك الاحساس اني نسمح فكلشي و نبقا معاه تفكرت الايام الي دوزناهم بجوج واخا قليلة كانو كافيين باش يكون عماد هو حياتي كلها مبقيتش كنحس باللي داير بيا ...

     مبغاش_يتفهملي  10#  2PS1  

 khawla_Ĕl#

3

المزيد

القصة بعنوان : # مبغاش_يتفهملي ...الجزء 9

#9
فقنا الصباح مالقيناش حسناء وهادشي غريب بزاف فين تكون مشات رجعت نقلب عليها حيت مابقالي ماندير تما اصلا كنت مشيت علا ودها .... معندها فبن تمشي الا لدارهم و انا فالطريق بانتلي خارجة مندارهم تبعتها و هنا فهمت  وراق الانتقال و كدا ... تما عرفت بلي ماكنعني ليها والو تقبلت الخسارة لي اول مرة نحس بهادشي و كان صعيب عليا نتقبلها ..  ولكن كيفاش مانعني ليها  الوا هيلا بصح شنو التفسير ديال التصرفات ديالها و ردود الفعل .... خاصني نبحت فالموضوع قبل مانحكم عليها و هيلا ضلمتها انكون تخليت عليها .... دازت سيمانا باش حسناء مشات و انا كنبحت فحياتها و فالماضي ديالها عرفت باللي هيا انسانة بريئة محبوبة عند بزاف دالناس ولكن مالقيتش شي شخص معين لي قريب ليها و كيعرف عليها كلشي ... حسناء واخا اجتماعية كانت واضعة حدود لعالاقاتها معا الناس ... ياربي عاوني نخرج من هاد الحيرة .... بقيت شهرين وماكاين تاجديد قررت نقصد الشخص اللي كايعرف عليها كلشي هضرت معا ماماها اللي اكداتلي انها ماعندها تاعالاقا و واتفة فبنتها بالي ماكاتخبي عليها والو  و واخا كانت مخطوبة لولد عمعا ماكانت كاتحس بجيهتو تاحاجا  و بحكم هو ماعايش فالمغريب ماعندهم علاقة قوية و اكداتلي داكشي اللي كنت شاك فيه قالت ليا بالي بعدات على ود واحد الشخص اللي ولات كتبغيه بدون سابق اندار عونها بزاف و كانت كل مرة كيغبر عليها كادخل فدوامة ديال التساؤلات هاد الشخص هوا انا خالتي عيدة مامات حسناء تفاجئات و لكن ماسولاتني على الوالو الكلمة اللي ودعاتني بيها هي "الله يرضي عليك اولدي ماتخليش بنتي تعاني راه واخا كتبان قوية هيلا طاحت ماتقدرش تعاود توقف على رجليها 

انا قررت نشد الطريق عند حبيبتي حسناء من نهار مشات وليت غير مهموم و كنفكر هي سباب ضحكتي اليوم غانصارحا بكلشي ... 

مبغاش_يتفهملي  9#  2PS1

 khawla_Ĕl#

     

3

المزيد

القصة بعنوان : # مبغاش_يتفهملي ...الجزء 8

 8#
انا عماد بلاشك ان حسناؤ عاودات ليكم عليها مي بالمنضور ديالها ... مهم انا عماد اسست شركة من الورت لي خلالي الوليد و الحمدالله ناجح بيها خويا يوسف مكنتافقش معاه و ديما معارضني على اي حاجة كنديرها وخا هاكداك مكندير غير الي كنرتاح فيه داك النهار مور مخرجت من البنك وانا مصدوم عرفت بلي خويا لي من دمي كيشفرني و منداك النهار خرجت من الدار و قطعت الصلة بيه و فكرت نشكر الانسة حسنا.. داكشي باش وليت كنتردد كل مرة لاجونص فين خدامة و اخيرا منين لقيتها تافقت معاها نتلاقاو فقهوة ..فالاول كنت فقط بغيت نشكرها على داكشي لي دارت معايا ولاكن فكل مرة كانتفاجئ فشيحاجة جديدة  فيها انسانة طموحة و مرحة مبغيتش نتعلق بيها خفت تكون على علاقة و نتأزم فالاخر مي منين طارت عليا عنقاتني حسيت بالواحد الاحساس ميمكنش نوصفو الحاجة لي نgوليكم هو انني عرفت ان حسنا هي البنت لي غانكمل معايا حياتي و عرفت انها تاهيا كاتبادلني نفس الشعور مور ماتقلقات من الاتصال لي جاني من عند هند عجبني الحال و عرفتها غارت و زدت تشبت بيها هادي هيا حسنا ماكترددش تعبر على المشاعر ديالها ... هند هي ختي الصغيرة عندها 4سنين انا وياها كتر من اي مجرد علاقت اخ بختو و داكشي باش كنهضر معاها هاكاك مور مادازت مدة على اخر مرة شفتها عرفت بالصدفة ان حسنا غادا لديك الرحلة و تاانا قررت نمشي باش نزيد نعرف حسنا كتر و بصح زدت بغيتها و تعلقت بيها و اليلة لي دوزناها وسط الغابة ماكرهتش تكون ماسالاتش حسيت بالخوف ديال حسنا و كنت ليها سند 

حيت باهميت وجودها فحياتي و اهميت وجودي فحياتها انا و حسنا ربي خلقنا لبعضنا و كدلك منين لقيتها كاتكي و عمراتلي التيشورت ديالي ديك اللحضة ماكرهتش نعتارف ليها بالحب ديالي حيت متأكد تاهية كاتبغيني يالاه بغيت نهضر دفعاتني و مشات بقيت النهار كولو كانحاول نهضر معاها مي معا الجماعا والوضع مبيسمح ...

مبغاش_يتفهملي  8#  2PS1  

 khawla_Ĕl#

3

المزيد

القصة بعنوان : # مبغاش_يتفهملي ...الجزء 7

# 7
مشيت للخدمة سنيت على شي وراق ... كانو طالبين شي واحد اللي يتكلف بفرع جديد فالسعيدية و تقبلت بحكم الدبلوم الجديد لي عندي هاد الخطوة ماعارفها حد من غير دارنا ما كمالت سيمانا تا ساليت شغالي ودابا راني شادا الطريق للحياة الجديدة واخا قلبي بقا معا عماد .... اش ضهر ليكم تا عماد يعاود ليكم القصة من طرفو ...

مبغاش_يتفهملي  7#  2PS1  

 khawla_Ĕl#

3

المزيد

القصة بعنوان : # مبغاش_يتفهملي ...الجزء 6

6# 
بقينا هاكاك لليل كولو تا فقنا على صوت تلفون عماد .. ههه لا ماشي اتصال ديك الجهة مافيهاش الريزو كان المنبه لي كيسرسر مهم .. نضنا و انا دايرة راسي زعما حشمانا تا حد مهضر معا لاخر ... الله ياربي و شغاندير لقلبي هو ماعلابالوش و كيبغي وحدة خرااا ....مشينا لحقنا علا الزملاء و حاولنا تا واحد مايبين لاخر بلي طرات شي حاجة ههههه وا اصلا ماطرا والو ماعلينا وقت الغدا دابا و مكينش عماد فين ايكون زعما؟؟؟.....هههه هاهواااا
انا مشيت نعيطلو ياكل تابغيت نطق بسميتو و انا ت
نسمعو كيهضر مع حبيبتو ( عفاك احبيبتي ماتقلفيش مني راه عارف راسي تعطلت عليك.... شتي نتي لي مابغيتيش كون جينا بجوج ... هه تا انا كنتوفا علييك ) عماد ضار ولقاني مصمرة موراه و حابسا دموعي (غزالا ديالي نعيط ليك من بعد)
-عماد: ياك لاباس
-انا: و بصعوبة باش هضرت و بصوت مخنوق .... يالاه تاكل

مشينا و حاولت ما امكن مانبينش مي دموعي غلبوني ... و مشيت لابعد بلاصة حسيت فيها ميوصلني حد و كلست مور شجرة و عطيتها البكا .... بقيت كنبكي و كانفك ... و كنلوم عماد لي مادارلي والو ... و تفكرت تا المشل ديالي .... دابا هاوا عماد مخاطب مامرتابط واش غيشوف فوحدة ماشي بنت هههه اصلا ممنحقيش نحلم فوصط داك البكا و الشهيق محسيتش تا وقف عليا عماد وقفني و عنقني و محاولش يسكتني بقيت كنبكي على سدرو تا فزgت ليه التيشورت .... حبست و مسحت عيني و تفكرت راسي ... انسانة بدون روح ولايحق لي ان احب او اتحب ... دفعتو و خليتو واقف و كملت النهار غي بزز..لغد ليه ماجا فين فاقو الزملاء تا كنت فدارنا معرفتش اش كان وقع واش حسو بغيابي و شكون غيتقلق عليا ... وصلت للدار و انا مصصما نبدل حياتي و نعيشها كيف غتسلكني انا ماشي ديال قصص الحب تم الزواج

مبغاش_يتفهملي  6#  2PS1

 khawla_Ĕl#

3

المزيد

القصة بعنوان : # مبغاش_يتفهملي ...الجزء 5

# 5

انا سمعت هاد جوج جملات وخليتو كيهضر و مشيت و خليتو تزادحت معا نص نص فالطريق تحرقت فكرشي .. جا عماد كيجري مي خبيت دموعي فعيني و زدت بلا حتا كلما تا وصلت للدار بكيت تاماقدني .. وي وي عارفاكم اتgولو علاش درتي هاد الشوهة .. ايوا حيت جاتني الغيرة هههه وي من حبيبتو ... واخا مابيناتنا والو مي كنحس بيه ملكي انا ... اه راني كنبغيه   ... دابا اندفن هاد الحب و نكمل حياتي عادي ... واشوفو من داك النهار ماصيفط لا ميساج لا ابييل .راه غي انا لي كنخرف السيد عايش حياتو و انا ما محلي من الاعراب ... بقيت من الخدمة للدار ... تا جا وقت الكونجي و موالفا ندوزو معا واحد الجمعية لي كاتنضم رحلات استكشافية ... كينخارطو فيها غير الكبار 20 عام للفوق ... و من الزهر لي عندي ماغايمشي معاهم غير زين السمية ... شهر غانبقا مع هاد خينا ههه هيلا بقيت بعقلي راني امرأة عضيمة ...قبل مانبداو الرحلة كانتقسمو على تنائيات و داك الوقت كنت كنقاد حوايجي فالساك خاصنا نديو غي داكشي الضروري  و انا جايبا معايا طرشما ديال لحوايج ماجيت فين نلحق عليهم تا سالاو هههه نساوني انا ... ماهادا الزهر ايوا و لسقوني معا واحد الكوبل عمرهم تفاهمو نهار و ما طال وانا كانحاول نصالح فيهم شي كيشرق شي كيغرب دازت سيمانا تقريبا وانا حاطا حجرة على قلبي . السيد كايتعامل معايا بحالا عمرو عرفني باقي جوج سيمانات اش جا ما يساليها و لكن فنفس الوقت مكنتش بغيتها تسالي كيكفيني غي نشوفو واخا من بعيد .. معا سلات السيمانة معا تفدعات واحد البنت .... ههه فرحت حيت بصاراحة مزيان باش تبعد عليه شوية ديما شاداليه فيدو   اييه هاديك ... شريكت عماد  .. ههه والزهر لي عند ختكم ولا قلت الزهر  ماعرفتش واش نفرح ولا نويييل .. ههه وي انا لي بلاصيتها ... و هنا ايبداو المشاكيل بالنسبة لعماد و الحياة السعيدة بالنسبة ليا درت فراسي انستغل كل دقيقة معاه واخا عارفا راصي انتعلق بيه كتر   ... خليتها علاالله .. مهم كملنا التخيمة و اراك للتبوحيط مع ها سيهم عماد ..  نبروفيتي ماحد حبيبت قلبو ماجاتش معاه ... ايوا

-عماد: واااا حسنا سربي راه اطيح علينا الضلمة هنا و مانعرفوش طريق الرجوع .

-انا: وا راني سخفت اش بيتيني ندير ... ندير الجناوح باش الاخ يبقى على خاطرو

-عماد: واضبري راسك نتي لي غاتخافي انا هانيا ندوز الليلة كاملا هنا

-انا: هههه دبا شنو كتستهزأ بيا .. ايوا اسيظي هاني gالسا هنا تا يصبح الصباح

انا بقيت مصمرة

و عماد كيحاول يقنع فيا تا عيا و gلس حدايا هههه لا لا مايمكنش يخليني بوحدي واخا يكون كيكرهني ... معا الgلسة دخلات ليه شوكة غليضة فيديه و ديك الساعة مابقينا نشوفو والو مع الضلام ..

-عماد: اااااااااااا (هز يدو و كيشوف اش دخلو مي مابان ليه والو )

انا تخلعت و بديت نهدن فيه تا ملامح عماد ماكيبانوش بزاف عينيه لي كيبانولي مسمرين فيا و انا كيف الهبيلة سهيت فيهم و فنفس الوقت كانتحسس بديك الشوكة فيديه تالقيتها و جبدتها معا ديك الجبدة غوت عماد و نبح واحد الكلب

-انا: مامااااااااا (تلاحيت على عماد بدون شعور بقوت الخوف ... و عنقتو و سيادتو مايكونش من العاgزين جرني لعندو و بقا معنقني  ... كنت باغا نبعد منو مي شي حاجة فالداخل ديالي منعاتني)

-عماد: شتي gلتليك اطيح الضلمة و غتخافي (انا بدون ردة فعل جامدة بين دراعو و عايشا فبحر الاحلام)

مبغاش_يتفهملي  5#  2PS1  

 khawla_Ĕl#

3

المزيد

القصة بعنوان : # مبغاش_يتفهملي ...الجزء 4

#4

-انا: ناريي عماد مشا عليا الحال ... صافي هدي هية اللخرة ليا
-عماد: سميت المدرسة ؟!!!
-انا: institu ******* de comptabilite et de gestion
جرني عماد و طلعني للطموبيل مادازت ربع ساعة تالقيت راسي عند الباب ... ماعرفنش انا طريق شدينا حيت غير ديمارا سديت عيني و شديت فالباب و كنعاود الشهادة نسيت داكشي كلشي لي وجدتو هههه ... لا لا الحمدلله دوزت مزياان و داكشي لي حطو لينا تقريبا بحال الحالات لي خدم معايا عماد .... خرجت فرحانا شديت تاكسي غي و صلت للدار صيفت ل عماد مسساج " شكرا على كلشي عمرني ننسا خيرك .."
- مور داك النهار دازت سيمانة ماهضرت مع عماد الصراحة توحشتو ... منكدبش عليكم كنحس براسي فرحانة منين كنكون معاه ... يمكن ولفتو ... وتا منين كان كيجيوه اتصالات من البنات كايطيح عايا الضيم .. هههه عارفا كانكدب على راسي دبا راه سيمانا لا ابيل لا مسساج... واا نحط حجرة علي قلبي و نسكت اشنو زعما السيد دار فيا خير ندمو لا لا .. اصلا هوا ماعلى بالوش "اه سمحولي ماوصفت ليكم زين الس مية سيدهم عماد .. هههه .. مهم عماد طويل و دراعو كبار السيد سبورتيف .. و بداك لكوستيمات لي كايلبس ماشاء الله و صافي   .. هو مازوينش بزاف شاغمون و مقبول ... مي انا عاجبني .... اناري يا ربي  واش هاد الاحساس لي كيبغيو يعبرو عليه فلافلام و
الله يا ربي " ماعلينا ليوم النتائج لونصاوها فالسيت ... لبست حوايجي صليت ركعات الاستخارة و دعيت لربي يفرحني خرجت من الدار و ماما وبابا كيدعيو معايا الله يخليهم ليا ... ختكم كاتقفقف
دخلت نشوف حريرت فين واصلا .... وااخيا ناىي واهيا الشعب وااهيا الملك وا الهرباااااااااا .... ناري ختكم نجحات بميزة TB
الله يا ربي كانحمدك ونشكرك .. فقت من الصدمة ديال الفرحة كانلقا كلي كايشوف فيا بستغراب . ههه يسحابليهم حماقيت ... تميت خارجة و كنgول اللهم لا حسد ..اللهم لا حسد تاخىت ... وممعا الخىجة يا خوتي كانت الصدمة الحقيقية ... عرفتو شكون شفت ايه عماد ... بلحمه و عضلاته ههههه ... محسيتش براسي تا طرت عليه عنقتو هههه ماتسولونييش كيدرت ليها انا براسي ماعارفاش
-عماد: (همسلي فودني بواحد الحنان لي خلاني مانطلقش منو) مبروك احسنا فرحت ليك
-انا: (عقت براصي بلي زدت فيها شويا لا لا زدت فيه و بزااااف طلقت منو ) سسسسمحلي ... مماكنتش قاصدة .. مااشعرتش .. غي معا الفرحة (وانا فنفسي كنgول كون تعرف شحال توحشتك)
-عماد: ايوا مبرو ك الالة هية نتسالوك شي عراضة
-انا: oui oui bien sure تستاهل كتر   ...  كلشي بفضلك نتا ...فين بغيتي تمشي ..
-عماد: اجي نمشيو لقهوة المعتادا و نهضرو
-انا: هيلا كامنعطلكش على خدمتك علاش لا
-عماد: ههه لا لا شوفي غينتي لي عنداك يجريو عليك
-انا: شنو دبا كاستهزأ بيا ... ايوا اسيدي منين يجريو عليا انجي نيشان للشركة ديال سيادتكم و ديك الساعة مجبور تخدمني
-عماد: ديك الساعة ايكون كلشي ديالك
""فهاد اللحضة ختك م مابقات فاهما والو مشينا للقهوة وانا مافاهما والو و صلنا  و gلسنا"
-عماد: حسنا .. شي براد د اتاي بحال ديما؟؟؟
-انا: لا لا ... ليخديتيه خودلي معاك
-عماد:(كيهضر مع السرباي) شي جوج ويسكيات الله يحفضك
-انا: اويلي على ويسكيات واش تلفتي عقلق قبل لا نجي هترتي لا .. (ضدرت عند السرباي) عافاك جوج نص نص وحدة قلصحا و وحدا لا
-عماد؛ (كيشوف فيا و كيضحااك) ايوا نتي gلتي لي خديتيه ههه كتباني زوينة مني كتقلقي و كتنرفزي ...
-انا: (كنخنزر و مابقيتش حاملا راسي ) ايوا هادي ديرلي لعقل ... مهم لموضوع ليجينا علا قبلو فين بغيتيني نعرض عليك و كيف بغيتي لعراضا
-عماد: باراكا عليك غي هادي خلصيها وها حنا هانيين
-انا:(جاتني الغمة على قلبي .. هادشي كيعني بلي صافي عمري نعاود نشوفو )ههه صافي بغيتي تفك مني .. ايوا لا اسيدي تا انا عندي طريقتي الخاصة باش نشكرك و ما..   (قطعني تلفون عماد و دار صبعو على فمو زعى gالي نسكت)" الو حبيبتي .. دغيا توحشتيني؟؟...واخا صافي شويا و هاني معاك

مبغاش_يتفهملي  4#  2PS1 

 khawla_Ĕl#

3

المزيد

القصة بعنوان : # مبغاش_يتفهملي ...الجزء 3

# 3

ساليت قرايتي و بزز فين لقيت خدمة فواحد البنك اسلامي  و ها المدة كلها تيقوني بلي عمرني عمرت راسي بشي ولد المرا حيت كلهم عندهم عقلية كرافاطا ''قليل لي غيفهمني " واخا خدمت فبنك اسلامي ماكنتش دايرا الحجاب واخا هاكداك كان لبسي محتارم وواخا كنلبس لباس انيق مي مستور الحمدالله...   عندي24 عام دابا و فهاد النهار ايوقع مالم يكن في الحسبان
وقف عليا واحد الكليان مهم بالنسبة للبنك ديالنا و معصب كتر من اللازم .. حاولت نهدنو باش نعرف منو اشنو وقع مي السيد جاهل و بغا يشوف المدير العام و جا مع وقيت الغدا وكانت نوبتي فالرسيبسيون.. و مع ختكم مزهارا .. داك النهار مكانش المدير العام .. عيت مانهدن فيه تا دازت شي ساعة والصرف عاد فهمت المشكل ديالو وهو انه لقا حسابو مبلوكي و هو مامبلوكي تا درهم عندنا الشئ لي خلاه يضن ان حسابو فالبنك خوا .. مي حنا بلوكينا الحساب حيت الكونط ديالو ولا كيتسحب منو مبالغ مهمة كل نهار و شكينة يكون شي مشكل و من بعد 3 ديال الانضارات بلا جواب طررينا نبلوكيو الحساب .. السيد شداتو الدوخة و gلس ...طلبت منو يجي حدايا باش نوريه الفواتير لي كاتبقا مسجلة عندنا فالحاسوب و منين تأكد مشا بلا مايgول تا سؤال "هدا هو عماد عندو شركة متواضعة ديال التواب هو التاني من بعد خوه الكبير لي ديما حاgرو و كيحتاقرو اي حاجة دارها عماد خوه يوسف كيعارضو فيها .. عندو ختو فنيكيشة كاتحمق عندها 4 سنين هو عنو 26 عام و اسس شركتو مباشرة منبعد ماخدا الشهادة و الورت ديال باه لي كان هو رأس المال باش بدا و مو باقا صغيرة و مهلية فراسها باه مات عام و نص تقريبا يعني ان عماد دغيا ستاطع ياسس شركة و ينجح فادارتها تا ولا كليان مهم فشركتنا .. اه نسيت ماgلت ليكم بلي كنخدم بنهار و كنقرا باليل " مور داك النهار ب 3يام بالضبط رجع عماد للاجونص عندنا اناري هدا مالو تاني ....
-عماد:السلام عليكم
-انا: وعليكم السلام .. باش يمكنلي نخدمك موسيو الحرتي "الاسم العائلي ديال عماد "
-عماد: الحمدلله منين لقيتك هنا شحال من مرة جيت و مالقيتكش ... كنت بغيت نطلب منك السماحة على الحالة لي درت داك النهار
-انا: ماشي موكيل موسيو الحرتي مادرت غي الواجب
-عماد: oui bien sure .. et pour ca je vx te remercie mais de ma ma façon si ne te pose aucun problem
-انا:pas de quoi monsieur .. c mon travail
-عماد: عارف خدمتك مي ماكرهتش تقبلي عراضتي 
ايو يا سيادي بقيت مني منو تا قنعني و تافقنا مع 6 ديال العشية فواحد المقهى عمومي ... ساليت الخدمة و حنا كنخرجو مع 4:30 مشيت ديك الساعة للقهو لي تافقنا عليها " لا لا عارفاكم اتgولو مال هادي علا سبا زربانا باش تشوف السيد ولا متل هده الافكار.. راه عندي كونترول مور شي يامات" شديت كرسي و كونصوميت على براد د اتاي "ختكم شعبية و مولفة نقرا وكنشرب اتاي" بقيت منغامسا فخدمتي تا جا عماد
--عماد: السلام عليكم .. ياكما تسنيتي بزاف مع العلم انني جيت قبل من الموعد
-انا: ههه لا لا جيت بكري كنبريباري شويا (سديت البيسي احتراما للسيد باش مانتسماش ممربياش و قليلة دوق )
-عماد: ايوا سمحيلي لا برزطتك على القرايا ... هيا نتي دابا كاتقراي و تخدمي؟؟
-انا: وي راك عارف هنا فالمغريب هويتك هوما ديبلوماتك 
-عماد: اه وي هادي عندك .. ايوا شنو تخصصك 
-انا: دايرا المحاسبة و هاد اليام عندي المتيحانات
-عماد : a bn .. bah je suis un experet comptable .. راني نقضر نعاون هيلا بغيتي
-انا : (خرجت فيه عيني ) بصاح ... و فهاد السن ؟؟
-عماد: اي حاجة وصلت ليها تال دابا كنعتبرها فالبداية تحدي ... يالاه جبدي داك البيسي نخدمو راه الامتحانات قربو
-انا: انا سميتي حسناء
-عماد: وي راني عارف ... (gالها بابتسامة شريرة و جر عندو بيسي ) وصلتي لهنا!!! فاش كتوحلي؟؟ انا واخا مافاهما والو كحزت حداه و بقيت متبعا .. والله لا السيد راسو عامر ... جابك الله ... مهم هو كايشرح و انا كانفهم الله يرضي عليه شحال من حاجا فتها وانا ماعارفاهاش ... ماحسيناش بالوقت تا داز ... فيقنا صوت تيليفوني ... ويلي ويلي نسيت راسي قاريا
-انا : سمحلي اسي عماد خاصني نمشي تعطلت
-عماد :ياك لاباس باقي الحال و باقي خاصني نوريك شحال من حاجا ...
-انا: لا لا شكرا راني قاريا دابا و خصني نمشي -عماد: علاش معاش كدخلو ؟!!! -انا: 8:30 كنبداو
-عماد: وي وي يالاه توصلي الله يسهل عليك ... ودعتو و طلب مني نمرتي .. عطيتهالو بلا كترت الهضرة ماعنديش الوقت فين نتناقش معاه ... قريت مشيت لدارنا عيااناا غي دخلت لغجت صليت داكشي ليكايتسالني و نعست .. اغدلية فقت لقيت ميساg من نمرة مامسجلاش عندي "اليوم نكملو باقا تابعانا الخدمة بزااف'' ههه وي هدا غي عماد ... مهم مشيت خدمت خارجا معا 4:30 تا كانلقاه كايتسناني ... مشينا خدمنا و مسكين مامخليش من جهدو
-انا : عماد ممكن سؤال !!! علاش كدير معيا هاكدا
-عماد : حاس بلي نتي لي نقدتيني كون راه بقيت لا فلوس لا شركة و نحماق .. داكشي علاش كنحاول نرد ليك الخير لي درتي معايا
-انا : مي انا مادرت غي خدمتي .
-عماد: هدا وقتك يالاه توصلي لقرايتك بقينا علا هاد الحال تال نهار الامتحان اللخر و انا شاداني الخلعة هد النهار عماد بقا غي كيموتيفيني و شبعني عصير الليمون و بقينا كنهضرو تا نسينا راسنا

مبغاش_يتفهملي  3#  2PS1  

 khawla_Ĕl#

3

المزيد

القصة بعنوان : # مبغاش_يتفهملي ...الجزء 2

2# 

تصاحبت معا بنات مامسوقينش للقراية عطيناها غير العصير و الدوران واخا هاكداك كنت مازال معقدة تال النهار لي تعرفت فيه على mamado  هو ماشي عزي مارفتش شكون حطها عليه مي لي عارفا بلي حياتو دازت كحلا هادا هو التفسير لي كان كيgولي كل مرة سولتو .. ماعلينا كان كيعتبرني بحال ختو فينما نبانليه يجري عليا ندخل نقرا  و ديما محامي عليا مي حيت هو كان كيعرفو كولشي  تا انا ولا يعرفوني بزاف و وليت نعرف بزاف .. وصلت التانوي و انا الوحيدة لي نجحت بين دوك البنات كلهم والحمدالله تال دابا ماعاودت تاعام مني طلعت الليسي عالم خر مي هاد المرة تعارفت على القرايات ديال القسم تا انا درت النفس و وليت نشوف بعيد احلامي كبرو وتقت فقدوراتي و ولييت اجتماعية كتر شخصيتي ولات مرحة و غي كنضحك ضريفة و مكنآدي حد معندي عداوة مع حد مي فالداخل ديالي كانحس بواحدوالفراغ مع المراهقة و كدا بانلي فراغ عاطغي ... مكنش كنزعم ندير شي حاجة .. منكدبش عليكم ونgول مكنتصاحبش مي واخا كانتصحب كتبقا علاقنا كاصدقاء فقط  الشيء لي خلاني مانطول فتاشي علاقة ... مي ديما نفس النقص فالداخل عمرو تغير الشيء لي خلاني نلتاجئ بدون وعي للافلام و الماقع الاباحية لي كتخليني نحس بشوعور فشكل عاجبني و ماعاجبنيش مي واحد الوقت تا بديت نولي مدمنة و حسيت بالخطورة و حبست و فعلا حبست ولكن فهديك الفترة وقعلي واحد الحدت لي غير مقصود و كان سباب عدابي الشيء لي خلاني نفقد بكرتي و نخسر شرفي من بعد لقيت الدم فرحت gلت هادي غي العادة الشهرية حيت تعطلات مي لا العادة الشهرية ماشي كاتجي غي نهار و غي داك الشوية " استسمح فعلا ولكن باش تعرفو محور القصة".. و انا كيف الهبيلة يسحابلي حدت عادي يمكن يوقع حيت مكنتش نعرف تشناهيا البكرة ولا  لاش كاتصلاح مي هدشي عرفتو مور ماوليت نقرا مواضيع و ابحات طبية  ومنين بديت نشك قررت نبحت فالموضوع اكتر و فهاد المدة عرفت كل مايتعلق بيها كاين 3انواع ديال البكرة (كاينة لي كاتكون مطاطية وهاد النو نادر و النوع التاني كيكون عبارة عن غشاء سميك صعيب يتختارق بسهولة و النوع التالت داك الغشاء الرهيف بها تقوب صغيرة هاد الاخيرة كتكون حساسة و من السهل البنت تفقدها ) تال دابا باقي ماتأكدت انني مابقيتش بنت مبغيتش نمشي للطبيب حيت باقي عندي امل ان ديك العادة  متكونش سباب فهادشي او تكون نوع البكرة ديالي ماشي النوع التالت و يكون داكشي كلو لي فراصي مجرد تهيئات

مبغاش_يتفهملي  2#  2PS1

 khawla_Ĕl#

3

المزيد

القصة بعنوان : # مبغاش_يتفهملي ...الجزء 1

#1 
السلام وعليكم مهم نعرفكم على راسي ... انا حسناء عمري 30عام ولكن انبدالكم قصتي منين بديت نعقل على راسي اولا خليوني نوصف راسي ... انا ماطويلة ماقصيرة حروفي صغار و طايتي عادية جداا منgولكم لا زوينة ولا خايبة مهم مقبولة ايوا نبدا دابا .... منين كنت صغيرة كنت فرفارة كنقز مع الطيور و لعبي خايب عمرني دخلت للدار بلا مانعطب شي حد تا مابقا حد يبغي يلعب معايا كنجي من الروض كنلقا الحومة خاوية او مال هادو فين مشاو او تالهاد درجة انا مجرمة ... ماما منعات عليا الزنقة حيت مسكينة تقهرات ولات كاتخليني نلعب غي قدام الباب كنا ساكنين فعيمارة مي انا كنت ديما كانساين فخولة هي بنت جارتنا الدار لاسقا على الدار غي جات و هي بانت ليا هازا مونيكة .. هي تجر وانا نجر جات مها لقاتنا هاكاك هبطاتلي شعري ومانلقا غي داك الصباط لابساه ديال العساكرية ضربتها للقصبة درجليها تاغوتات غي طلقات مني شداتها ماما ... ماكملناش شهرين تحولنا هاد المرة دخلت سوق راسي مي لي دارلي شيحاجة نوريه وجهي ..بحال متلا انا مزيرا بغيت ندخل للطواليط حشاكم دخلت لقيت دري كيستاراح ماسبرش هزيت شكارتي بقيت نخبط فيه يخرج صدق مغيب .. و مرا خرا شييرت للاستادة بلاتروس تا تفلقتها و لي ضسر ياكل معندي دgا ديال العصا ... رحلنا عاود و هاد لمرة مبقيتش كنخرج و تامن المدرسة لي تحولت ليها حيت جراو عليا من اللولة سيستها قاصحا .. مع ختكم كانت كسولة كنت ديما ناكل العصا ..تا ركب فيا الرعب و وليت نخاف من كلشي و لي هدر معايا نبدا نبكي و واخا كنا كانتحولو ماكنبعدوش من السيكتور بزاف مي هاد المرة غانتحولو لاخر مرة ولكن لمدينة خرا .. هادشي كيعني كلشي مبدل وتا من المدرسة انخرج من الخصوصي و نقرا مع ولاد الشعب و هنا بظبط اتبدا مرحلة مراهقتي ....

مبغاش_يتفهملي  1#  2PS1  

 khawla_Ĕl#

   

3

المزيد